Во Македонија има планинска викендица на Круша која од денеска е достапна за изнајмување

Можеби се уште е рано да зборуваме за уникатни пролетни и летни скривалишта бидејќи пред нас се февруари и март, но сега е идеален момент да ви споменеме дека од денеска во базата на Кајак.мк може да се најде скривалиште кое е идеално за престој во текот на пролетните и летни денови кога густата шума е зелена и кога дува пролетниот и летен ветер кој прави шум од лисјата додека вие уживате распослани во дворот на планинската куќарка на Круша.

Денеска ве водиме на Круша. Круша е излетничко место кое се наоѓа недалеку од ски центарот Кожуф, на самата граница помеѓу општина Гевгелија и општина Кавадарци. За населбата не би рекле дека е туристичка, туку би рекле дека Круша е излетничка населба за дел од локалното население кое живее на југот од Македонија. Населението го користи оваа планинско никнато “селце“ за одгледување на земјоделски производи и за одмор на душа.

Круша е дестинација која им ја препорачуваме на сите авантуристи, луѓе кои уживаат на планина, луѓе кои ја чествуваат планината и луѓе кои се би направиле за добро да ја испромовираат планината.

До Круша може да се пристигне со теренско возило по неасфалтиран пат, можете да пристигнете планинарејќи или пак до одреден дел по асфалтираниот пат кој води до ски центарот Кожуф (читај не е во функција). Превозно средство кое се користи до Круша е теренско-џип возило или мотор. Ние како тим за промоција на туризмот, не ви препорачуваме да ја посетите Круша додека има услови за снежни бранови, бидејќи шансите да останете затрупани во снег се големи (Освен ако тоа не го направите пеш и со планински водичи кои се запознаени со условите на Кожуф планина)

Пролетните, летни, како и деновите од раната есен се идеален период за посета на Круша. Густата шума ќе ви даде чувство дека се наоѓате на швајцарските алпи, а околината и можностите за прошетки ќе ви ги наполнат батериите до максимумот.

Ние денеска ќе ве запознаеме со првата викендица во која можете да престојувате. Го запознавме домаќинот Ване, кој ги отвори своите врати за светот на Кајак.мк и ни потенцираше дека викендицата е скоро нова и реновирана, а ќе трпи и дополнителни реновирања на пролет.

Викендицата има капацитет за 9 лица, а при сместување ве пречекуваат домаќините кои е неопходно да бидат на местото за време на пристигнување за да им дадат на гостите повеќе насоки и да ги запознаат со околината.

Повеќе информации за викендицата, како и можност за дирекна комуникација со домаќините ќе добиете со еден клик ОВДЕ.