Престојувајте во етно вила во село Љубојно

Секојдневно ги ископуваме на површина сите уникатни сместувања во Македонија кои вредат да ги посетите барем еднаш во животот. Ако има дестинација која мора задолжително да ја посетите, тоа секако би било село Љубојно.

На само 2 километри од Големото Преспанско Езеро, во пазувите на планината Баба и во долниот тек на живописната долина на Брајчинската Река се наоѓа селото Љубојно.

Ова прекрасно планинско селце е сместено на 920 метри надморска височина и е опколено со густа претежно дабова шума на источната страна.

Додека пешачите по асфалтираните улички на селото ќе имате впечаток како да се движите назад низ времето. Во селото ќе забележите дека има многу стари куќи кои се градени меѓу двете светски војни, со печалбарски пари. Нив посебно ги краси фино делканиот камен, разнобојните фасади и уникатните балкони. Ваквите градби ќе ви дадат чувство дека шетате низ мала градска населба.

Во самото село се наоѓа и вилата „Стара Чешма“ која од денеска е дел од базата на Кајак.мк. Нашиот тим утрово разговараше со домаќинката Елида, која ни ја сподели приказната на оваа мало симпатично фамилијарно катче кое ќе ви го направи викендот поубав. Станува збор за објект кој има 5 соби и вкупно 13 легла, што укажува на тоа дека ова сместување е идеално за фамилијарно истражување на селото Љубојно и околината.

Повеќе информации, фотографии и контакт за резервации можете да добиете со еден клик ОВДЕ.