Предлог викенд дестинација: Коњарка- излетничко место во близина на село Скочивир

За оние коишто живеат во Битола или општина Новаци „Коњарка“ им е добро позната дестинацијата за пикник, но за останатите патувачи на Кајак ова е уште еден предизвик за викенд патување.

Август, септември и окотимври се одлични месеци за пешачење во природа, возење велосипед низ шума и уживање покрај река со вашето друштво и најблиски.

Денеска ќе Ви дадеме уште еден одличен предлог за викенд покрај река, а реката со која ќе ве запознаеме денеска е Коњарската Река чиј извор се наоѓа под Кајмакчалан, на самата граница со Грција на 2260 метри надморска височина.

Коритото на реката тече кон запад, а покрај течението е формирана густа шума, каде воедно се наоѓа излетничкото место Коњарка.

За оние кои ќе се одлучат да го посетат излетничкото место треба да знаат дека тоа се наоѓа во близина на селото Скочивир или на 38 километри од Битола.

Ова излетничко место е комплетно уредено со клупи, уредено речно корито, патеки за пешачење и велосипедизам, а недалеку од излетничкото место се наоѓа манастирот Св. Лука, која може да ви биде вашата крајна дестинација за пешачење од Коњарка. Фотографиите се преземени од hikingadventures.mk