Тим билдинг на компанијата Immomates исполнет со многу предизвици и забава

Тимот на Кајак.мк повторно покажа дека тим билдинг настаните можат да бидат искуство за паметење! Овојпат, нашиот тим имаше чест да организира уникатен и инспиративен настан за вработените од компанијата Immomates.de, кои уживаа во серија креативни и автентични работилници. Со внимателно избрана програма, успеавме да создадеме комбинација од забава, учење и тимски дух. Настан кој ќе се памети по енергијата, смеата и искрената поврзаност меѓу колегите.

Кој би рекол дека светски познатите Art&Wine работилници можат да добијат сосема ново лице? Нашиот тим ја модифицираше концепцијата во оригиналната работилница ArtWithATwist, која има цел да го подобри тимското разбирање и комуникација. Наместо класична пасивна активност, вработените се соочија со предизвик каде треба да создаваат уметност – без зборови. Оваа тишина создаде силна енергија на доверба, концентрација и невербална поврзаност.

Нашите автентични гастро-работилници за подготовка на македонски тестенини со локални зачини секогаш се полн погодок. Тие не само што го спојуваат вкусот и традицијата, туку и ги обединуваат луѓето преку смеење, соработка и добро расположение. Вработените од Immomates.de уживаа во секој момент додека создаваа и дегустираа домашни специјалитети. Кулинарното искуство повторно покажа дека храната е најдобар мост меѓу културите и луѓето.

Без доза адреналин, ниеден тим билдинг не би бил целосен! Затоа, нашите АТВ тури беа вистинскиот избор за авантура и возбуда низ природата. По возбудливите рути, чашата добро македонско вино ја заокружи приказната со мир и задоволство. Искрено им благодариме на Immomates.de за довербата и можноста да создадеме едно незаборавно, инспиративно и навистина уникатно патување.