Викендица во Галичник со дворче кое нуди спокојство

Галичник ја отвора сезоната за посетители. Снегот полека си заминува од височините на Македонија, а зеленилата полека ни се враќаат во Националните паркови. Ако треба да ја дополните вашата листа на летни дестинации за 2022-ра, допишете го Галичник.

Галичник Ви го препорачуваме од повеќе причини. Пред се природните убавини кои се на прво место, чистиот воздух и здравата храна на второ место, историските знаменитости кои раскажуваат приказни и локалното население со кого можете да испиете кафе и да ве прашаат „А чие чедо си ти? Од кој пат доаѓаш?“.

Причина поради која треба да го посетите Галичник е и нашата база на приватни сместувања каде може да резервирате уникатни сместувачки објекти. Од денеска дел од базата на Кајак.мк е и вила Кунчески која има прекрасен зелен двор кој нуди поглед што ќе ве остави без здив.

Дали може да си замислете како појадувате во дворот, а околу вас е владее спокојот?

Домаќинот Гаврило вечи дека Галичник може да Ви го исполни вашето слободно време со доста активности. Овде може да изнајмите коњи за јавање со инструктор, да прошетате во шумата, да уживате пешачејќи низ Галичник и да дегустирате вкусна храна во рестораните кои функционираат во регионот.

Повеќе информации, фотографии и контакт за резервација на вилата, можете да најдете со еден клик ОВДЕ.