Ќе го вратиме извидништвото во Прилеп на мода

Ако треба одбереме по кој пат ќе се движиме, нашиот тим дефинитивно би тргнал по еколошкиот. Ни доаѓаат нови времиња кога модерното ќе биде минималистичко, а патувањата ќе бидат детални. Луѓето се повеќе ќе се фокусираат на патувања на кои поголемото време ќе го одвојат за истражување на регионот. Наша цел е да ви докажеме дека доколку престојувате на одредени дестинации на начин на кој локалното население живее, ќе научите многу повеќе и ќе го почувствувате регионот на вистински начин.

Има категорија на патници кои преферираат авантуристички начини на патување. Овој начин на патување во минатото беше доста атрактивно, но денеска повторно ни тропа на големата врата.

Ние разговараме со Бојан Трајкоски, човекот кој е дел од Кампинг Македонија и кој е убеден дека извидништвото ќе ни се врати во мода. Во неговото здружение членуваат спасувачи, пожарникари, лица за односи со јавноста, професори по физичка култура како и поранешен легионер. Целта е преку едукативни и културни настани да го развијат локалниот туризам и да поттикнат поголем број на туристи да им се приклучат на нивните кампувања, извиднички настани и логорување.

Бојан вели дека за време на пандемијата, почувствувале интерес за развој на алтернативниот туризам во прилепскиот регион. Тие се убедени се дека ќе го развијат туризмот во Прилеп преку доста организации. Нивната мисија е да ја поттикнат младата сајбер популација да излезе во природа и да биде физички активна. 

Велат дека најважно од се е да им помогнат на младите да изградат спортски дух и да живеат квалитетно.

Кајак.мк и campingmk наскоро ќе споделат повеќе информации за тоа на кои локации ќе се организираат ваквите извиднички тури. Повеќе информации за нив на инстаграм: campingmk или фејсбук: Camping Macedonia.