Од Скопје до Китка со велосипед! Зошто да не?

Кајак.мк уште со еден еко предлог за едно дневна тура која можете овојпат од Скопје да си ја организирате со велосипед. Наш денешен прелог за патување е планината Китка која се наоѓа југоисточно од нашиот главен град.

Таа е дел од најголемиот македонски планински масив Мокра Планина и претставува негова североисточна гранка. На запад се поврзува со планината Караџица, а на југ со Голешница. Највисок е истоимениот врв Китка со надморска височина од 1.588 метри, а на билото се истакнува и врвот Краста (1.445 м) и препознатливи карпести облици.

Билото на планината Китка претставува вододелница на долините на Маркова и Кадина Река. Изобилува со богат шумски фонд, претежно од листопадни дрвја како и нискостеблести и грмушести зимзелени растенија, поради што е многу раширена дивата сеча на дрва која немилосрдно ја пустоши шумата.

На планината се обележани повеќе планинарски патеки кои се дел од трансферзалата „Македон“ која оди кон Солунска Глава, а постојат и возобновениот планинарски дом „Китка“ како и туристичката викенд населба „Мала Река“. На нејзината северозападна падина е расположена областа Торбешија.

Овде се наоѓа панинарски дом, кој има куќарки каде може да се остане. Информации можете да добиете на: 075 328 746
Извор: Википедија
Photo: Ismet Surban