Престојувајте во реставрирана малешевска куќа која датира од 1900 година

Денеска ја надополнуваме базата на Кајак.мк со уште едно уникатно сместување кое се наоѓа во градот Берово. Регионот на Берово е прекрасен за време на есенските денови. Жолто-златна шума, прекрасен рељеф, околина, планинарски патеки за пешачење или возење велосипед и секако вкусна локална традиционална храна, со фокус на беровското сирење.

Денеска ве запознаваме со домаќините на старата реставрирана малешевска куќа која датира од 1900-та година и која се наоѓа во централното градско подрачје. Куќата има капацитет од 12 легла и секоја соба има сопствена бања, телевизор и бежичен интернет. Куќата има на располагање двокреветни соби и апартмани.

Околината на Берово изобилува со многу уникатни места кои вреди да се посетат. Од разни цркви и манастири, домаќинства кои подготвуваат слатко од диво овошје, па се до ресторани кои служат домашна храна.

Доколку сакате повеќе информации, фотографии и контакт за резервација, кликнете ОВДЕ.