11.11.2020
Побрзајте, на Беровско езеро имаат есен!
Побрзајте, на Беровско езеро имаат есен!
Доаѓа викенд, а со самото тоа и прашањето: Каде на викенд? Еко тимот на Кајак.мк денеска виртуелно ќе ве прошета околу Беровското езеро. Фотографиите кои ви ги споделуваме но и самиот текст се цврсто поврзани со Андреј Бубевски кој замислете има само 17 години, а го промовира регионот на доста креативен начин. Нема да згрешите доколку одвоите 5 минути од денот се запознаете со неговите амбиции и стемежи. 
Андреј е млад ентузијаст кој реши да инвестира во овој регион и на свој личен начин да ги промовира убавините на истокот. Она што нам многу не радува е зборчето „Патфајндерс“. Ова е зборче кое допрва ќе се слуша на нашиот пазар туристички понуди.
Патфајндерс е новоформирано здружение за планински спортови, туризам и млади од Берово, кое е мотивирано да овозможи нов, динамичен, креативен начин на размислување кај љубиелите на авантуристичкиот начин на живот.
Патфајндерс има три основни гранки една од нив е планинските спортови. Поглед од планинските врвови преку планински спортови како, планински велосипедизам, планинарење, кампување, офроуд авантури, дружби, кајакарење на мирни води и спортски риболов. Организирање на настани во секое годишно време.
Втората гранка е туризам со индивидуална и колективна промена на човековата свест за развој на авантуристичкиот туризам во нашиот регион сметајќи го како потенциален центар на планински спортови и настани. Промоција и организирање тури и настани со истражување на планински терени, нивно документирање со слики и GPX запис, објавувањe на тие информации за општо добро на сите љубители на планината преку форми на публикација.
Третата гранка е да ја подобрат едукацијата на децата и младите за подобар и поздрав начин на живот, зголемување на самодовербата и волјата на младите луѓе во донесувањето на општествено одговорни одлуки, поттикнување на нивната креативност и работни навики, зајакнување на интерес и склоност кон планинските спортови и откривање на нови хоризонти кон правилна и здрава насока во умствено и физичкиот начин на живот.
Доколку сте заинтересирани за нивната работа во иднина, можете да ги заследете на @pathfinders.mkd на инстаграм, а за заинтересираните за пристап во здружението на mail - [email protected] или на тел.број +38977580953.
Блог
Препораки
Прочитајте повеќе
The Dude Specialty Coffee Skopje – #30 во Европа меѓу најдобрите кафулиња 2026
The Dude Specialty Coffee Skopje се рангира на #30 во Европа и меѓу 100-те најдобри во светот за 2026, потврдувајќи ја растечката specialty coffee сцена во Македонија.
5 работи што туристите ги снимаат во Македонија, а локалците често ги игнорираат
Откријте што најчесто снимаат туристите во Македонија – сцени и моменти од секојдневието што локалците често ги занемаруваат, а посетителите ги доживуваат како автентична вредност.
Колку навистина чини еден викенд во Македонија?
Реална анализа на трошоците за викенд патување во Македонија – сместување, пат, храна и активности. Колку треба да издвоите за кратко бегство од градот денес?
Тим билдинг исполнет со адреналин, креативност и забава
Тим билдинг исполнет со адреналин, креативност и забава.
Топлотен бран во Европа: Како екстремните температури влијаат на летниот туризам во 2026
Екстремен топлотен бран со температури над 40°C ја зафаќа Европа. Дознај како жештините влијаат на туристичките патувања, дестинации и летниот туризам во 2026.
Неделно Откритие од Македонија: Бабуна Пешти – скриен кањон кај Велес
Откриј ја Бабуна Пешти кај Велес, тесен кањон со варовнички карпи, природни пештери и недопрена речна природа, идеален за љубители на авантура и мир.