Во Македонија постои вистинскиот рај за храна и го носи името „Пирустија Неданоски“

Не ви е потребно многу ако на вашата листа на дестинации го имате селското домаќинство „Пирустија Неданоски“. Тимот на Кајак.мк како актрактивна дестинација на која ќе можете да уживате под приватна сенка го акцентира ова прекрасно дворче кое се наоѓа на скоро 1000 метри надморска височина и има прекрасен поглед кон Охридското езеро.

Нашиот тим викендот ја посети Наташа и нејзиното семејство кои нè пречека со насмевка и ни приредија едно вистинско гастрономско искуство кое не би можеле да го добиете на друго место. Домашно подготвена храна од локален зеленчук, локално сирење, домашно месо и вкусен подготвен комат на пирустија за кој се потрудивме самите ние.

Домаќинството „Пирустија Неданоски“ е место каде можете да резервирате приватен ручек со вашите најблиски, а исто така е иделна дестинација за тим-билдинг. Честопати ваквите ручеци се претвараат во часови за готвење, преку кои Наташа ги едуцира гостите како самите да подготват локални специјалитети.

Домаќинството наоѓа во село Рамне до каде можете да се стигне со комбе или автомобил. Околината е толку тивка и смирена, што за миг ќе ве опушти и ќе ве поттикне да се вратите повторно. Овде ручекот се подготвува на традиционален начин. Наташа користи доста алатки од нејзината баба, како би можела да ја зачува автентичноста, а преку подготовката на храната да ни ја раскаже приказната за традицијата на едно јадење.

Верувале или не, секој кој бил овде уживал во секој закал. Затоа не размислувајте дали да го организирате вашето друштво или семејство и да резервирате едно вакво поразлично искуство во домот на Наташа.

Контакт телефон за резервации и точна локација можете да најдете со еден клик ОВДЕ.