Милано ќе го „ремонтира“ патниот систем за да добие повеќе велосипедисти

Милано, еден од градовите коишто се погодени од коронавирусот, веќе размислува пост-„апокалиптично“ за продолжување на животот. Откако ќе се олабави градот од мерките за борба против пандемијата, градот ќе воведе план се со цел да ги охрабри граѓаните да возат повеќе велосипеди и пешачење, намесот користење на превозни средства. 

(ЧИТАЈ ПОДОЦНА: Група жени во Венеција доставуваат храна преку гондола)

Градот има цел да трансформира над 20 километри улици со пошироки велосипедски и пешачки патеки. 

Градот, кој е еден од најзагадените во Европа, ја спроведува мерката се со цел да го намали бројот на возила, откако беше согледано дека загадувањето е намалено по воведувањето на градот во карантин. 

Марко Граннели, заменик-градоначалник на Милано, за „Гардијан“ вели: „Работевме со години на намалување на употребата на автомобили. Ако сите возат автомобил, нема простор за луѓе, нема простор за движење, нема простор за комерцијални активности надвор од продавниците. Бидејќи сакаме да ја разработиме економијата повторно, првично имаме намера тоа да го направиме на поразличен начин од претходното“.

(ЧИТАЈ ПОДОЦНА: 10-те најзелени градови во светот за 2020 година)

Работата на инфраструктурата ќе започне на почетокот на мај, со воведување нови ленти и проширени тротоари. Остатокот би бил комплетиран до крајот на летото. 

„Планот на Милано е толку важен, затоа што дава добар пример на тоа како да го рестартирате градот сега“. „Ова е можност да сврите нов лист, а тоа да ви донесе многу подобри резултати за разлика од претходно“, додава Граннели.