Организираме искачување по карпи за сите возрасти

Тимот на Кајак.мк е среќен што отсега преку нашата платформа вие можете да резервирате уште една уникатна атракција, а тоа е искачување по карпи во околината на Матка. Да, добро прочитавте, нашата база со активни тури се надополнува со уште една активност која може да ви го исполни слободниот ден. Информации за турата можете да прочитате со еден клик ОВДЕ.

Денеска ќе ве запознаеме со Оливер, нашиот нов локален херој кој цели 19 години се занимава со алпинизам и спортско качување, а како инструктор по спортско качување започнал пред 7 години кога дошол до знаење дека луѓето сакаат да научат нешто повеќе и имаат желба да бидат физички активни.

Според Оливер, Македонија е земја која нуди доста можности за ваков тип на спорт. Имаме многу планински и карпести предели ширум државата каде може да се искусат еднодневни авантури.

Локацијата на која неговиот тим врши обуки за искачување и ги реализира искачувањата е на карпа која се наоѓа на Матка. До самата локација нема воопшто пешачење.

Искачувањата на карпата траат околу 20 минути од лице. Пред отпочнувањето со искачување се врши основна обука за начинот на искачување, за како да се заштитите при одрон или при лизгање, на што треба да се внимава и најважно од се е како да работите со телото и умот истовремено.

Карпата или вежбалиштето е високо 16 мертри и е со оценка 6а, каде веќе има поставено безбедносно јаже познато како top-rope искачување. Возраста на лицата кои може да се искачуваат може да биде од 4 до 70 години, а не е потребно претходно познавање за top-rope искачување.

Доколку сте заинтересирани за искачување треба да се пријавите како група од најмалку 8 лица. Групата треба да пристигне во спортска облека. На терен групата добива опрема која вклучува специјални патики за искачување од сите броеви до 46-ти број, кацига, карабини, гуртни, торбичка со магнезиум.

Карпата се отвора на пролет и се затвора на есен.

За да ја резервирате турата кликнете ОВДЕ.