Престојувајте на Беровско езеро, овде има кислород!

Во Берово се уште нема снег. Но има многу кислород. Јеп. Има кислород во огромна количина, што преставува одлична можност да побегнете од загадените градови и да ги прочитите вашите бели дробови барем на викенд. 

Ако се прашувате поради кои причини треба да го посетите Берово, тогаш одговорот е едноставен. Прекрасната природа, чистиот и здрав воздух со најголема концентрација на кислород, здравата храна, богатството од шумски плодови и лековити треви и локалните специјалитети кои се наделеку познати по својот квалитет.

Кога сме кај сирењата. Нашиот тим ви го препорачува да го пробате Малешевското (Беровско) сирење, биено сирење, жежено сирење, кашкавал, буламач, урда, матеница, како и специјалитетите од малешевски компир комбиниран со клиси, а за десерт, колач од шумски диви плодови набрани од природата.

За оние кои бараат престој, среќни сме да ве информираме дека од денеска наѓшата база од приватни сместувања се збогатува со уште една прекрасна вила на Беровското езеро која има извонреден поглед. Вилата ја препорачуваме на млади брачни парови кои имаат мали деца. Искористете го одморот на децата, одалечете ги од нивните телефони и компјутери преку кои учат онлајн и за викенд одведете ги на езерото.