19.10.2023
Се викам Елена и изработувам минијатури од полимерна глина
Се викам Елена и изработувам минијатури од полимерна глина
Во Македонија има доста луѓе кои имаат необично хоби или занает. Ние во Кајак.мк имаме мисија да ви ги споделиме сите нивни приказни, да ве запознаеме со луѓето и секако да им дадеме поддршка во нивното работење. Денеска ве водиме во село Шлегово, каде живее и твори Елена. Таа стапи во контакт со тимот на Кајак.мк за да ја сподели својата приказна поврзана со рачната изработка на минијатури од полимерна глина.
Елена ни раскажува како уште на самите почетоци се запознала со полимерната глина и нејзините бесконечни можности. Започнала да изработува парчиња накит, бележници за книги, декорирала шолји за чај и друго.
Елена вели дека за минијатурите се заинтересирала откако на интернет прочитала информација дека постојат луѓе кои се занимават со ова дејност и била воодушевена од умешноста и креативноста со која луѓето изработувале куќички за кукли, диорами и други предмети. Токму ваквите приказни и даваат волја на Елена да отпочне со вакви изработки.
Денеска таа е сконцентрирана на минијатурите со тематика од нејзиното детство, селскиот живот, домот на нејзината баба и дедо и македонските етно елементи. На самите фотографии ќе забележите минијатури со налик на стари садови, стари куќи, столчиња и храна.
За изработка на минијатурите се користи полимерна глина, дрво, лесонит, платно, метални и пластични делови, конец, картон и слично. Се користат претежно рециклирани платната кои се од стари чаршави или облека, картони, како и метални и пластични делови.
Времетраењето на една изработка зависи од предметот што се изработува. Пример за една масичка од 7 сантиметри на Елена и се потребни од 4 до 5 часа. Поголемиот дел од времето се користи за печење на глината, лакирањето и сушењето. Производите се изработуваат по нарачка. Елена вели дека може да се изработат истите предмети кои може да ги видите на фотографиите, но сепак може да се додаде и нешто по желба на клиентот.
Доколку сакате да
ги погледнете изработените предмети и да нарачате некои од нив, кликнете ОВДЕ.
Блог
Препораки
Прочитајте повеќе
Предлог дестинација за овој викенд: Преспа – езерската убавина која повторно го привлекува вниманието на патниците
Откријте ја убавината на Преспа овој викенд. Посетете ги Претор, Отешево и Крани, истражете ги локалните атракции и пронајдете идеално сместување покрај Преспанското Езеро.
Неделно откритие од Македонија: Изворите на Бабуна
Високо во Јакупица, над Нежилово, се наоѓаат изворите на Бабуна – недопрено планинско подрачје каде реката започнува како мрежа од мали студени извори меѓу шума, камен и тишина.
Една година подоцна: Како директната линија Истанбул – Охрид го отвори Охрид кон светот
Една година подоцна: Што донесе линијата Истанбул – Охрид за туризмот во Македонија?
Лето 2026: новата слика на туризмот – од класичен одмор кон искуства, планини и микро-дестинации
Лето 2026 ја носи новата насока на туризмот – од класични одмори кон автентични искуства, планински авантури и откривање на микро-дестинации што нудат вистинска поврзаност со природата и локалната култура.
Неделно откритие од Македонија: Смрдлива Вода – Кожуф
Смрдлива Вода на планината Кожуф е планинска дестинација позната по минералниот сулфурен извор, чистиот воздух и пристапот до планинарски патеки, идеална за одмор и рекреација во природа.
Тим билдинг во Грција? Semos Cloud знае зошто!
Тим билдинг во Грција? Semos Cloud знае зошто! Организирање тим билдинг во Грција кога сонцето има магија да ни создаде тен за старт на летната сезона.