Аристократ продолжува да сади иднина – годинава во Неготино!

Веќе четврта година по ред, компанијата Aristocrat Interactive ја продолжува својата зелена мисија – пошумување на различни локации низ Македонија. Од селото Пчиња, преку регионот на Свети Николе и Демир Капија, оваа година еко Аристократ караванот за пошумување стигна во Неготино.

Иако мај ни приреди вистински предизвик со дожд, студ и невреме, ова посветена екипа од над 100 вработени докажа дека кога има волја – има и начин. На 16-ти мај, на само 8 степени и со постојан дожд, заедно засадија над 200 брзорастечки борчиња и три јапонски цреши во паркот именуван по Тоше Проески – симболично, трајно и со љубов.

Како прва компанија која започна со етно-рурални тим билдинг настани, Аристократ не само што сади дрвја, туку гради и заедништво, почит кон локалната традиција и инспирација за нови генерации. Овојпат подадоа рака и на локалните жени занаетчии од Неготино, кои ја пренесоа својата уметност на ткаење и везење преку интерактивна сесија – можеби токму тука се роди некое ново хоби кај ИТ програмерите?

Со етно музика, традиционални игри и вкусна локална храна, ја заокруживме уште една незаборавна авантура. Посебна благодарност до Општина Неготино за поддршката и топлиот прием.

Благодарност до Aristocrat Interactive што продолжуваат да садат добрини.😊