Вила со една од најубавите положби во Македонија достапна за изнајмување

Сигурно повеќе од вас веќе ви е познато селото Јанче. На 27 километри од браната во Маврово, на патот кон Дебар, од левата страна се наоѓа ова село кое е вистинска туристичка атракција за странските туристи поради својата уникатна местоположба. Сместено во ридско-планински предел, во подножјето на убавата Бистра, Јанче се наоѓа на надморска висина од 760 метри.

Јанче е една од најстарите населби во мијачкиот регион од пред повеќе од пет века во долнореканскиот крај, која се споменува уште во документацијата на архивот на Истанбул. Според легендата, првиот жител на селото бил човек со име Јане, по кого се сметало дека селото го добило името.

Доколку го престојувате во ова село ние ви предлагаме да ги посетите: Водопадите ДУФ, во непосредна близина на село Ростуше, селото Галичник по патека Скала, пеш или со коњи, манастирот Св. Јован Бигорски, езерото Локув за кое пишувавме неодамна како и мостот Елен скок на Тресонечка река.

Доколку сакате да престојувате во македонски алпски пејзаж со чист воздух, чудесна архитектура, ние ви ја претставуваме вилата Панорама која ја има една од најизвонредните локации во Македонија. Со поглед од милион долари, изолирана во тивка област и рај за луѓето кои сакаат комбинација од модерно и планина.

Вилата „B&B PANORAMA“ е во селото Јанче и нуди ресторан, бар и градина. Сместувањето е на 35 км од Маврово, а гостите имаат сопствен паркинг и бесплатно WiFi.

Доколку сакате да прочитате повеќе информации за вилата, погледнете повеќе фотографии и контакт за резервации кликнете ОВДЕ.