Најдобар момент при патувањето е кога имате контакти со локалното население

Запознајте се со adventure.mk, млад пар кој и покрај затворените граници знае како да ужива низ Македонија. Од Горна Белица, Охридското езеро па се до Чеплес. На нивниот инста профил @adventure.mk може да се најдат доста интересни локации кои може да бидат ваша следна дестинација.

Тие велат дека за нив Горна Белица е меѓу омилените дестинации во држават. Висока надморска височина, убава природа и прекрасен поглед кон Охридското езеро. Како втора дестинација го издвојуваат планинарскиот дом Чеплес каде постојано се враќаат.

Нивна препорака е секој кој е во можност да го посети Кожуф, од било која страна и без разлика на годишнто време. Има многу скриени места и недопрена природа, а најголем впечаток им остава Длабок Дол.

Тие велат дека најдобар момент од цело патување е контактот со локалното население. Најинтересна случка која ја издвојуваат е една од посетите на Кожуф за време на бербата на боровинки.

Патуваат заедно со Арон. Нивното куче кое обожава патувања. Патува заедно со нив, ужива додека е на слобода и спијат заедно.

Adventure.mk велат дека ова е само почеток.