Сместување на Галичник со поглед кој вреди историја

Кој не престојувал на Галичник ја нема доживеано Македонија во целост. Галичник е придода, историја, активен туризам и љубов во едно. Галичник е место кое нема да остави никој рамнодушен.

На Галичник во текот на летната сезона нема да можете да го избегнете моментот, а да не застанете и поразговарате со некој од старите локални мештани кои седат под длабоката сенка пред портите од своите домови и љубопитно ве набљудуваат додека вие поминувате по улицата.

На Галичник со сигурност ќе најидете на прашањето: Од каде си ти чедо?

Се со цел да ве поттикнеме да го посетите Галичник додека е се уште жешко (а читајте таму ќе имате доста пријатни ноќи) нашата база се збогатува со уште едно уникатно сместување чиј поглед од прозорците вреди историја.

Нашиот тим е среќен што домаќинот Бошко ги отвори своите врати за светот на Кајак.мк. Неговиот дом од денес може да го резервирате со еден клик преку нашата база на приватни сместувања.

Галичка куќа: Лепчески се состои од две соби. Во секоја до собите има три кревети, од кои еден брачен и два единечни кревети. Куќата располага со прекрасен двор каде може да се направи вкусна храна и извонредни специјалитети од овчо галичко сирење кое го произведуваат самите домаќини, а за кое ќе пишуваме во текот на наредните денови.

За оние кои се заинтересирани да го посетат Галичник треба да имаат предвид да ги посетат црквите кои се наоѓаат во Галичник, да го посетат музејот, а и да појдат до местото викано „Укален“ од каде има прекрасен поглед кон планините Кораб и Стогово како и кон реката  Радика. Овде не се изоставува ниту црквата Св. Петка која се наоѓа на другата стеана на планината Бистра која е на само 5 километри оддалечена од Галичник.

Исто така, во базата „Каде Овде“ може да резервирате тура за јавење коњи на Галичник.

Како јаготка на шлагот е фактот што домаќините дозволуваат влез на домашни миленици. 

Доколку сте заинтересирани за повеќе информации, фотографии и контакт за резервација, кликнете ОВДЕ.