Дрвена куќичка со прекрасен панорамски поглед кон Охрид и езерото

За Кајак.мк не постои лош ден или лош термин за патување и престој на уникатни места во Македонија и надвор од неа. Кога веќе зборуваме за уникатни сместувања ја имаме предвид и ова дрвена куќичка која нуди феноменален поглед кон Охрид и Охридско езеро.

За да престојувате во неа не ви е потребно многу. Ви треба автомобил, велосипед или добра кондиција за да пристигнете пеш до неа, а она што ќе го доживеете внатре е приказна сама по себе.

Денеска ве запознаваме со домаќинот Јордан, чиј дом се наоѓа во близина на селото Рамне или на 890 метри надморска висина.

Ова дрвена куќичка е сместена во пределот на националниот парк Галичица, а е идеален за парови кои бараат бегство од јавноста или пак да љубители на активниот туризам кои се неразделни од својот велосипед. За патувачите кои ќе се одлучат да ја посетат куќата со автомобил треба да имаат предвид дека регионот е прекрасен за истражување, што значи дека наш совет е да го остават автомобилот на мирување пред самиот објект.

Соседните вили се наоѓаат на околу 200 метери, а позицијата на вилата е идеална за пешачење и велосипедизам кон селото Рамне и прошетка по патеката која ги поврзува селата Рамне и Велестово. Ова патека е исто така идеална за Off-Road велосипедизам.

Знаеме дека сте љубопитни за повеќе информации, затоа за да ги погледнете сите фотки, информации за сместувањето како и контакт за резервација, кликнете ОВДЕ.