Вила на Беровско езеро која може да ја резервирате за снежните денови

Тимот на Кајак.мк продолжува со надополнување на базата приватни сместувања во Македонија, а веќе ви најавуваме дека по Нова Година нашата база ќе се прошири и со сместувачки капацитети од соседните земји, но се зависи од состојбата со пандемијата. 

Додека талкаме и бараме сместување за Нова Година, би сакале да ве информираме дека скоро сите сместувачки капацитети на Кајак.мк се веќе резервирани за новогодишната ноќ, а многумина од нив се резервирани и за престојните празници во јануари. Како еко туристички агрегат за патување ве советуваме дека новогодишната ноќ може да биде заменета со некоја обична ноќ. Заедно со вашето семејство или најблиски со кои сте секојдневно. 

Како предлог дестинација, меѓу првите редови на нашиот сервер се наоѓа Берово, Беровското езеро и целиот регион. Дали знаете зошто? Затоа што Берово е град со највисока концентрација на кислород во воздухот на Балканот. Над Беровското езеро поминува еден од само 4 коридори со збогатено количество на кислород кои се среќаваат во светот, а кои ги има во Перу, Аљаска, Северна Индија и кои овозможуваат идеални услови за воздушна бања.

Замислете си како паѓа снег, облечени во вашиот скафандер, тапкате по снегот во јануарски или февруарски ден и се околу вас е тишина. Уживате во погледот кон Беровското езеро и на моменти слушате како паѓа снегот од некоја натоварена гранка. Има ли нешто поубаво? Хммм... можеби за дел од вас морето, но до него ќе почекаме уште половина година. 

Вилата која се наоѓа на Беровското езеро а која можете да ја резервирате е именувана како „Вила и апартмани Природа“. Таа се наоѓа во непосредна близина на патеката околу езерото. Вилата располага со огромен двор и со повеќе апартмани. 

Доколку сакате да погледнете фотографии од апартманите, повеќе информации за вилата, цени и контакт, кликнете ОВДЕ.