Во Црна Гора има дрвени буриња во кои можете да престојувате

Ако некогаш сте помислиле дека сте ги виделе сите уникатни сместувања во кои може да престојувате неколку ноќевања, тогаш еве уште еден предизвик за вас како авантуристи кој можете да го искусите од средината на месец мај.

Денеска ќе ве запознаеме со домаќинот Дејан од Црна Гора, поточно од градот Андријевица. Дејан вели дека отсекогаш имал сон да создаде уникатно планинско сместување кое ќе биде во склад со природата, нема да го наруши природниот амбиент и ќе биде нешто поразлично од класична планинска колиба.

Неговиот сон започнал да го остварува во близина на градчето Андријевица или на три ипол часа возење од границата на Македонија. Поточно овие како што тој милува да ги нарече „Диви Буриња“ се позиционирани на 1750 метри надморска височина во областа на Комово која изобилува со прекрасна природа, шума и секако поглед од милион долари.

Дејан вели дека гостите овде може да уживаат во прошетките низ природата, може да галат многу домашни животни како што се локалните коњи, а може да уживаат по велосипедските патеки и секако да уживаат во спокојот опкружен со густа букова шума. Овде како што вели домаќинот, деновите се уживанција, а зајдисонцата се магични.

На нашето најбитно прашање, од кога се отвара сезоната за резервации, домаќините ни споменаа дека во бурињата може да се престојува од средина на месец мај до доцна есен, но тоа не значи дека треба тогаш да се резервираат. Поради популарноста на ова сместување, тимот на Кајак.мк ви препорачува да извршите резервација уште денеска. Опција за испраќање на барање за резервација можете да најдете со еден клик ОВДЕ.

До самото сместување можете да стигнете со помал автомобил, а треба да имате предвид дека последните 2 километри пат до смесувањето ќе го поминете по тампониран земјен пат.

Повеќе информации за сместувањето, фотографии, како и опција за онлајн резервација можете да најдете со еден клик ОВДЕ.