Ја обожаваме „Антена“, таа ни нуди поглед кој освојува

Елеонора Димковска е пример за тоа дека ако се вистински љубители на активниот туризам, истиот ќе може да го практикувате во текот на цела година. Заедно со уште двајца другари, Иван Крстевски и Александар Талевски денеска уживаа во срамежливите зраци на Антена, Пелистер од каде воедно ни ги испратија овие прекрасни фотографии.

Елеонора вели дека идејата да се искачат на Антена дошла спонтано, но дека тоа не значи оти не е потребна добра претходна подготовка. На сите млади и неискусни планинари им препорачува секогаш да бидат придружувани со искусни планинари кои се запознаени со условите на планината во текот на зимата.

Добрата опрема е најважниот елемент кој мора да биде задолжителен при искачувањето на планината во зима и лето.

„Организацијата започна спонтано. Еден од другарите со кои бев заедно даде идеја да се искачиме пред Нова Година на Антена и така започна се. Идеата звучеше авантуристички и се разбира беше интересен предизвик за нас затоа што е зима и моментално има многу снег“, вели таа.

Планинарите ја обожаваат Антената затоа што ги храни со прекрасниот поглед. Се гледа Преспанското Езеро и Галичица. Исто така таму се наоѓа и споменикот на Мурато - прв македонец што го искачи Монт Еверест. Во однос на мерките за заштита особено во зима треба топла облека, добри чизми за заштита од снег, ветер и студ. Не се препорачува да се оди сам затоа што сепак планината е непредвидлива.

Тимот на Кајак.мк секогаш ќе стои како добар промотор на ваквите локални херои кои ја промовираат убавината на Македонија во текот на цела година.