Во Мариово се наоѓа една од најдобрите етно куќи која може да ја резервирате

Започнавме со препораки за пролетни патувања. За помалку од еден месец повеќето од вас ќе барате места каде би сакале да прошетате и тоа да биде во природа и на топло сонце. За да го оправдиме фактот дека „на Кајак.мк“ има се што ви треба, додадовме уште една етно-куќа која се наоѓа во Мариово.

Етно куќата „Благибог“ која се наоѓа во селото Дуње, Мариовско. Сопствениците на објектот велат дека ова е идеална прилика да се почуствува традиционалниот живот на регионот.  Чистиот воздух и прекрасната локација се предлостите на Мариово.

Ова етно куќа има своја градина и огромен балкон на кој може да појадувате. Исто така има заедничка кујна, а куќата поседува и скара за користење. Собите имаат заедничка бања. 

За оние коишто се заинтересирани, еве збор два повеќе за Дуње.

Ова село се наоѓа во северниот дел од областа Мариово, од левата страна на Црна Река во пределот познат како Мало Мариово. Поточно, Дуње е сместено во прилепскиот дел на Мариово на еден прилично простран зарамнет дел од висорамнина која како благо се издигнува како последниот отсек и подножје на Дрен Планина, од десната страна на малите поврзани потоци Дуњска и Лисичка Река. Дуње е ридско село расположено на надморска височина од 690 метри. Од градот Прилеп селото Дуње е одалечено 29 километри, и е поврзaно директно со асфалтен пат кој се исклучува од левата страна на главниот регионален пат од Прилеп за Витолиште.