Вила и вино во подзаборавеното село Рамне: Феноменален есенски поглед

Дали сте слушнале за село Рамне. Едно од подзаборавените мирни и тивки села над Охрид. Кајак.мк во текот на ова седмица ќе објавува предлог места за патување кои се соодветни да уживате во боите и вкусовите на есента.

Во село Рамне се наоѓа уникатна вила која можете приватно да ја резервирате. Вилата „City view apartmen“ е идеална за луѓе кои бараат мир и тишина, а особено за оние кои медитацијата, езерскиот шмек, јогата и квалитетното вино им се во преден план за време на патувањата.

До село Рамне има асфалтиран пат, а кој пат често се користи за пешачење или велосипедизам. Она што е доста битно да напоменеме е дека селото Рамне е поврзан и со земјин пат до Велестово кое село исто така има прекрасен поглед кон Охрид, а која може да биде ваша дневна маршута за исполнување на денот. 

Вилата има две соби со тоалет, огромен двор со прекрасен поглед кон градот, во дворот има веранда каде можете да дегустирате квалитетни домашни вина кои сопствениците ви ги снабдуваат со претходен договор. За резервации на овој сместувачки капацитет јавете се на: 077854758.

Во околината на селото се наоѓа хидроцентрала која е меѓу првите изградени во Македонија а каде има многу живописна природа и извори на вода. 

Што се можете да посетите во околината на сместувањето:

Археолошки наоѓалишта

Кумбаревци — средновековна црква и некропола;

Макла — средновековна некропола;

Манастири — средновековна црква и некропола;

Рамненски Лозја — населба и некропола од римско време;

Св. Атанасија — средновековна црква;

Св. Варвара — средновековна црква и некропола;

Св. Врачи — средновековна црква и некропола;

Св. Илија — средновековна црква; и

Туше Варница — средновековна населба.