Во Македонија има домаќинство кое организира приватни гастрономски искуства

Повеќето од вас за првпат ќе го слушнат називот на село Сирково, но за тимот на Кајак.мк, Сирково е гастро дестинација која треба задолжително да се посети. Овде нема индустриски капацитети, нема широки булевари, нема изобилие на автомобили, но затоа има домаќини со големо срце.

Тимот на Кајак.мк ве информира дека селското домаќинство „Атанасови“ од денеска е дел од нашата база на Гастрономија, а кое можете да го резервирате со еден клик ОВДЕ.

Дел од вас сигурно се прашувате како функционира концептот на ручек во селско домаќинство, па затоа ние ќе се потрудиме да ви дадеме неколку причини поради кои треба да ги посетувате ваквите домаќинства ширум Македонија.

Селските домаќинства во Македонија имаат таков мир по кој компееме кога посакуваме да побегнеме од секојдневието, да бидеме поблиску до природата и да почувствуваме како таа дише.

Домаќинот Виктор кој ги отвори портите на својот простран двор во село Сирково вели дека е залудно да се објснува причината поради која дедовците ни остаат во наследство вакви селски имоти. Како и повеќето, така и Виктор, дошол во Сирково со своето семејство и одлучиле да останат засекогаш.

За Кајак.мк вели дека немаат луксузна палата, туку стара куќа која одлучиле да ја реновираат. Со чардак од кој се гледа само природата и селската црква и со мала бавча покрај дворчето каде одлучиле да засадат се што им посакала душата.

Во домаќинството Атанасови највкусни се патлиџаните и пиперките кои не се одгледувани со разни хемикалии, а самата миризба од младите ластари во раните утрински часови ја храни душата на гостите. Покрај здравите домашни плодови, Сирково изобилува со диви плодови кои се богатство на природата. Оние кои не се во можност да трагаат по нив, овде е мармаладот од шипинки кој го произведува семејството Атансови.

Ова се само дел од околностите кои ги поттикнале Атанасови да го отворат својот дом за сите гости. Наша препорака е да ги понесете вашите дечиња да уживаат во пространиот двор, додека домаќините ви ја подготвуваат вкусната традиционална храна која е состав од домашни или локални производи. Мирисот на дименото месо и домашното лепче печено во фурната е јаготката на шлагот во домаќинството Атанасови, а за оние бараат повеќедневен спокој треба да имаат предвид дека домаќинството Атансови имаат свое сместување кое од денеска е дел од базата на Кајак.мк, а кое можете да го погледнете со еден клик ОВДЕ.

Доколку сакате да резевирате гастрономско искуство, кликнете ОВДЕ.