Вила со базен за преку лето и камин за преку зима

Имаме можност да ве запознаеме со вила Луна која од денеска е дел од базата на Кајак.мк. Вилата ќе ви биде омилена од месец мај па до крајот на летната сезона поради отворениот базен, но не се исклучува можноста да уживате во внатрешноста и во текот на зимските денови, бидејќи како што споменавме во насловот вилата има прекрасен камин и има прекрасен дрвен ентериер кој ви дава чувствто на топлина.

Вила Луна се наоѓа на 15 километри од Скопје, конкретно во село Кучково. Внатрешноста на куќата сама по себе е уникатна. Викенд куќата е изградена на крајот на 70-тите години, дел е реновирана, но ја задржува автентичноста од тоа време, има спој на традиционалното и модерното.

Од дворот има пристап до брдо, кое од врвот има прекрасен поглед на Скопје од западна страна. Крстот во Кучково, кој се наоѓа на 4 км од вилата. Традиционално на 1-ви мај секоја година, АРМ подготвува војнички оброк за мештаните. Привлекува голем број на туристи. Манастир Св ,,Ѓорѓи ‘’– Кучково, основан 1346 година.

Варовничка карпа Девојачки Камен, поврзана со многу легенди, извори со лековита вода, во месноста Коњска нога, каде според легендите поминал Крали Марко со коњот. Во околината има голем број на цркви. Старата македонска архитектура е задржана на голем број куќи во селото.

Покрај тоа што е на само 15-тина километри од центарот на градот, кога се наоѓате таму, имате впечаток дека сте на планина која се наоѓа далеку од урбаната џунгла.

Вилата дозволува влез на домашни миленици, а исто така е идеална за организирање на дневни настани. Повеќе информации, фотографии и контакт за резервација ќе најдете со еден клик ОВДЕ.