Наскоро ќе може да престојуваме на Лабуништа

Тимот на Кајак.мк кој е во постојана комуникација со луѓе кои развиваат нови начини се со цел да привлечат повеќе туристи во државата (а за кои луѓе ни е многу драго) ве информира дека наскоро ќе може да се престојува и на Лабуништа.

 Да, на Лабуништа можете и сега да престојувате, но во шатори, а додека пак неколку сместувачки капацитети кои во моментот се подготвуват за изнајмување ќе бидат воедно и првите во кои ќе може да престојуваат оние патници кои шаторот и не им е толку добра страна. 

Ние разговараме со Амер, кои фотографии се негово дело, а за да ве поттикне да го посетите овој регион, тој постојано споделува нови моменти на неговиот инста профил @amer.dem.

Амер вели дека во моментот се во реконструкција неколку објекти, чија цел ќе биде да се прилагодат на потребите на гостите, а воедно во самата област се подготвува и првото мини-кафуле, ресторанче, каде ќе може да се седне и ужива во природата.

За нашите љубопитни патници еве некоја информација повеќе. Ова место се наоѓа на планината Јабланица. Во југозападниот дел на Македонија, помеѓу Охридско – Струшката и Дебарската котлина, западно од Црн Дрим и брегот на Охридското Езеро.

Лабунишки бачила кои многумина знаат да ги наречат Љубанишките Алпи се наоѓаат на само 6 километри од селото Лабуништа. До таму се стигнува по асфалтиран пат во должина од 4 километри и тампониран пат кој е во должина од 2 километри.

Кајак неодамна пишуваше за посета на Лабинишките езера и што може да правите таму, па ви препорачуваме да прочитате повеќе со еден клик ОВДЕ.