Живеам на планина каде изградив вила во која подготвувам храна за моите гости

Целта од постоењето на Кајак.мк е да им овозможи на сите да заработат нешто плус од својот дом и да ги запознаат туристите со животот на мештаните во околината. Нашата мисија е преку поголема доверба во човештвото да докажеме дека секој може да биде добар сопственик и патник во едно.

За да ја постигнеме нашата цел, имаме мисија преку која сакаме да изградиме поголема доверба помеѓу гостите и сопствениците на објекти за изнајмување. Ние решивме да отпочнеме со раскажување на животните приказни на сопствениците на објектите кои се дел од нашата база приватни сместувања во кои може да престојувате.

Многумина од вас веќе ја посетиле вила „Преведена“ која се наоѓа во непосредна близина на Бела Вода, на патот помеѓу Струмица и Берово. 

Животот на сопственикот поминал на планина во селото Двориште. Таму расте, како мал помага на семејството и ужива во годините од детството. Неговото родно село е Двориште. Ова село се наоѓа во Малешевијата, на 1200 метри надморска височина и е идеално за луѓето кои обожаваат природа и тишина.

Името на селото потекнува од ископините на една стара населба позната како „Двор“. Селаните овде претежно се занимаваат со земјоделие. Најмногу се одгледува компир од поледелските активности, додека сточарството е исто така многу развиено. Најмногу се одгледуваат овци, кози и свињи.

Драган израснал одлгедувајќи овци со дедо му во местото наречено Преведена, а денеска на местото каде ги чувале овците има изградено уникатна вила која е дел од нашата база. Неговата животна приказна е доста интересна. На помлади години, додека живее во Македонија работи како полицаец, но се одлучил да се откаже од ова професија и да замине во Италија каде ќе работи како кувар, професија кон која отсекогаш имал симпатии. По доброто работно искуство во Италија, својата кариера ја продолжува во Африка.

Пред една година тој се враќа во родниот крај и се одлучува да изгради вила недалеку од своето село, за каде отсекогаш мечтаел да живее. Преведена, како место кое го засакал од мал го одбира како негова идеална локација за градење на вила. Сам ја црта и дизајнира вилата како што посакуваа таа да изгледа.

Денеска живее и работи во селото. Денот го поминува грижејќи се за кучињата, одржувајќи ја градината во која сади одгледува органски растенија. Сади домат, пиперки, краставици, зелка, спанаќ, магданос, босилек, грав, разни видови боранија, лук, кромид, компир и ред други растенија кои ги користи за подготовка на врвни специјалитети на своите гости.

Она што го прави уникатно неговото постоење во ова село е тоа што гостите може во текот на сезоната сами да се послужат од градината, а воедно да им подготви одлични специјалитети од македонската, италијанската и француската кујна кои му се омилени.

Во селото двориште, ве опушта самата природа. Најважно од се е тоа што гостите овде ја уживаат приватноста. Заробени се со чист воздух, без гужви, без друштво и без гласна музика.

Ова е вистински одмор за луѓето кои со еден збор сакаат да побегнат од сѐ.