10.10.2021

Етно куќа во Преспа: Престојување кое нуди искуство од друга димензија

Етно куќа во Преспа: Престојување кое нуди искуство од друга димензија

Летните месеци се идеални да скршнете до некоја дестинација каде мештаните се вистинските локални херои кои ќе ве запознаат со историјата и традицијата на регионот.

Во базата на Кајак.мк имаме една таква етно куќа во која може да престојувате и да го почуствувате духот на преспанскиот регион и начинот на кој локалните жители живеат во текот на цела година.


Вила Преспа се наоѓа во селото Долно Дупени, а она по што е специфично ова сместување е фактот дека домаќините овде ви подготвуваат традиционални појадоци секое утро.


Домаќинот Александар за Кајак.мк вели дека вилата е лидер во "green hospitality". Модерен и минимален дизајн со традиционални детали. Објектот во кој денеска престојуваат гости претходно бил стара куќа која е реновирана со цел пренамена за upscale рурален туризам.


При конверзијата се водело сметка да се зачува што повеќе од традиционалниот декор и ентериер, но исто така воведени се и системи и протоколи кои гарантираат минимално штетно влијание на околината  (еколошко греење, ЛЕД расвета, carbon-offset програма, целосно третирање на отпадната вода, соларни бојлери, еколошки локални материјали при градба, биоразградлива козметика и детергенти, без single dose козметика, еко активности, итн.). 

Преспа, за разлика од остатокот од Македонија, е регион недопрен од дивата урбанизација и место каде што може вистински да се ужива во хармонија со природата. Вила Преспа го надополнува целото искуство во Преспа со тоа што овозможува комфорно сместување и квалитетни активности во традиционалниот амбиент на Долно Дупени, едно од најсликовитите села во Долна Преспа. 


Македонскиот дел на Преспа е регион со одличен потенцијал за пешачки и велосипедски тури (mtb/road), како и активности на вода (SUP/кајак) (располагаат со опрема која им е достапна на гостите). Освен активните тури, атрактивни се и историските знаменитости на Преспа, како и блиските Пелагонија и Охрид (бројни средновековни цркви и манастири, како и археолошки наоѓалишта од различни епохи) кои може да се посетуваат преку целата година.


Островот Голем Град во големото Преспанско Езеро е дел од НП Галичица, единствен во регионот по своето природно, културно и историско наследство (на барање се организираат тури до островот). На барање на гостите може да се организираат и демонстрации за готвење на локални и традиционални јадења, како и активности кои вклучуваат посети на локални фарми и запознавање со соседите и пријатели од Долно Дупени и околните села. 

Доколку ви се допадна идејата за престој во вила Преспа, а сакате да дознаете повеќе информации за сместувањето, да погледнете повеќе фотографии и контакт за резервација, кликнете ОВДЕ.

Остави Коментар

Прочитајте повеќе

За првпат на Кајак.мк: Сместување во Богомила!

Апартман во Богомила. Нов и скоцкан апартман идеален за семејства и парови кои сакаат да ја истражат ова природа.

Дали сте слушнале за селото Издеглавје? Од денеска имаме сместување достапно за вас, токму во ова селце!

Во срцето на планините, само 25 километри од Охрид, се наоѓа пространа и убава вила во селото Издеглавје.

Започнавме со организирање на најдобриот лов на тартуфи во Македонија!

Лов на Тартуф во Македонија! Тури кои ќе ви променат мислењето за планината и моќта на планината

Апартмани во Преспа какви што ни требаа на секој од нас

Сместувањето се наоѓа во село Штрбово, што ви дава до можност да ги истражите и соседните села Љубојно, Брајчино, како и крајбрежјето на Преспанско езеро.

Дали знаете дека во Македонија се организираат Fly Fishing Тури?

Тимот на Кајак.мк е среќен што ваквите Fly Fishing Тури ги додава во својата база на туристички атракции, па не би сакале да слушнеме да речете дека во Македонија нема нови и уникатни атракции на кои можете да уживате.

Започнуваме со организирање на Рафтинг по Вардар или Црна Река

Рафтинг по Вардар и Рафтинг на Црна Река. Резервирајте авантура за цел тим.