Хотел Епинал со нетрпение се подготвува за долгоочекуваната сезона

Хотел Епинал, лоциран на Широк Сокак во Битола, опколен е со најзначајните знаменитости во градот. Хотелот располага со вкупно 72 соби, од кои 59 двокреветни соби, 8 трокреветни соби и 5 апартмани. Секој детал е внимателно избран за да го претвори престојот на гостите во едно прекрасно искуство.

„Епинал е хотел со традиција и историја. Лоциран во срцето на градот, претставува синоним за квалитет и симбол на градот Битола. Високите стандарди кои долго се практикуваат, професионалната услуга која секој од нас ја негува, единствениот затворен Спа центар на ова подрачје, конференциските простории, уникатната тераса „Широк Сокак“, највкусната храна приготвена од нашите мајстори во „Градска кафеана“, тоа е она што нè прави единствени“,- вели Даниела Нечовска, Менаџер на рецепција во Хотел Епинал.

Во септември 2019 година, Здружението на угостителство и туризам при Стопанската Комора на Северна Македонија го избра Хотел Епинал за најуспешен хотел во категоријата градски туризам. Наградата е добиена за врвната услуга која ја пружа Хотел Епинал според светските хотелски стандарди и е препознаен како еден од врвните градски брендови на хотели.

Ресторанот „Градска кафеана“ е a-la-carte ресторан во склоп на Хотел Епинал, кој нуди неодоливо кулинарно искуство. Со своето креативно мени и елегантната атмосфера, ресторанот е совршено место за сите што ја сакаат гурманската кујна.

„Градска кафеана“ нуди широк избор на сезонски специјалитети, избор на морска храна, современи интернационални и македонски специјалитети со висок квалитет, и внимателно одбрана винска карта.

Лицето одговорно за креативното мени е еден од најпознатите македонски готвачи – Александар Видоевски, кој заедно со неговиот тим, подготвуваат традиционални специјалитети од регионот збогатени со најновите трендови во кулинарството.

„Особено се интересни специјалитетите со риба и морски плодови по кои сме и познати во цел регион. Kвалитетот и свежината на овие продукти се на највисоко ниво. Исто така не постои некој што го пробал мавровското овчо сирење (нашите домашни млечни производи од Маврово) и останал рамнодушен. Од свежо сирење, до сирење на скара или топено сирење, го сакаат во сите форми и видови. Секако најголемиот комплимент за мене е кога гостите при нарачување ќе му кажат на келнерот „оставам на шефот Аце““.

Без разлика дали вашите планови вклучуваат приватно или деловно патување, настан или конференција, Хотел Епинал ќе ви понуди сместување во стил, како и професионална, ефикасна и соодветна услуга.

Многу повеќе фотографии од хотелот можете да погледнете со еден клик ОВДЕ.

www.hotelepinal.com

[email protected]