Кожуф е најубав во зима: Димитар го фотографира животот на планината

Секој си има свој омилен водич! Ако нас не прашате кој ни е омилен водич за добра фотогафија на Кожуф планина, не се страмиме да кажеме дека тоа е Димитар Новаков.

Следејќи ги чекорите кои ги прави овој млад фотограф, листејќи ги неговите фотографии на инста профилот @novakovdimitar, може да се заклучи дека тој ја живее планината. 

Преку неговите фотографии, Димитар го раскажува сонот на една од најубавите планини во Македонија. Планината која изобилува со својата недопрена природа.

Новаков вели дека секој може да направи добра фотографија доколку појде на планината. Според неговите совети, најважно од се е да го почуствуваме пулсот на Кожуф и го фотографираме тоа што планината ни го нуди, а не тоа што ние го бараме. 

Малечките бачила му се дел од омилените локации за фотографирање. Бачилата ги има насекаде, а доста од нив се наоѓаат во падините на планината, што веќе може да се заклучи и од каде би започнала фотограферската тура. 

Димитар советува да се внимава на временската прогноза, бидејќи Кожуф е доста специфична планина, која го менува своето расположение во кратки интервали. Заштитна опрема за дожд, ветер и снег треба да имаме во зависнот од периодот кога ја посетуваме планината.

Да направите добри фотографии без разлика на годишното време треба да ја посетите планинската населба „Круша“, советува тој. До Круша води земјин пат по кој треба да пешачите пеш, а верувале или не, цели 7 километри патот е заробен од густа шума со огромни дрвја. 

Од самиот врв на Кожуф можете да направите фотографии кон Дојранското езеро, а во текот на зимата, фотографиите на врвот вредат милиони. 

Наш совет е да не поаѓате сами доколку никогаш не сте стапнале на планината. Без разлика на годишното време, на планина секогаш се оди со искусни планински водичи, кои може да ви одговорат на секоја ваша потреба.