Дали сте слушнале за сместувањето „Ана Плетварска“?

Тимот на Кајак.мк има една мисија до последниот ден од постоењето на платформата www.kajak.mk, а тоа е да ве запознае со сите домаќини, со сите ќошиња и сите позитивни приказни во Македонија за луѓе кои се трудат да создадат приказна која ќе шири добрина.

Мотото на Кајак.мк е „Новата ера на туризмот“ која започнавме да ја промовираме пред неколку години, а ќе ни треба уште многу време за да ја постигнеме нашата цел. Секојдневно промовираме нови локални херои кои вложуваат многу труд и работа се со цел да го развиваат туризмот на свој уникатен начин.

Туризмот во Македонија е свет во кој има место за секого, има сместувања и домаќини за сечиј карактер и за сечии потреби.

Денеска, ќе ве прошетаме низ Плетвар, селце кое е се наоѓа на 1000 метри надморска височина, непосредно до патот кој води од Прилеп кон Кавадарци. За многу странски туристи веќе позната локација за одмор од патувањето или долгото возење, а за нас уште една нова дестинација каде можете да го најдете својот спокој.

Во самото село се наоѓа куќарка во која можете да престојувате, а во топлите пролетни летни денови, домаќините ви овозможуваат да си поставите ваш шатор и да ги користите кујната и тоалетите од самата куќа. Куќата за изнајмување го носи називот „Ана Плетварска“ а многу од коментарите зборуваат дека ова сместување има домаќини кои се грижат за своите гости на прав начин.

Сместувањето има рустичен ентериер, скоцкан за луѓе авантуристи кои не бараат луксуз, туку едноставно го бараат спокојот. Ова сместување е идеално за луѓето кои сакаат уникатни искуства. Цените на сместувањето се прилагодени како би можел секој од нас да си дозволи бегство во ова сместување.

Куќата располага со еден апартман за 4 лица, една просторија со брачен кревет за 2 лица, како и дневна просторија која има капацитет за 30 лица. Има опремена кујна и пространо зелено дворче во кое може да се постават многу шатори.

За оние кои сакаат повеќе фотографии, информации како и опција за он-лајн резервација може да најдат со еден клик ОВДЕ.