Ова е Горна Белица: Село на 1420 метри надморска височина

Малкумина од вас сте слушнале за селото Горна Белица. Ова село се наоѓа во областа Дримкол, во западниот дел на територијата на Општина Струга, чиј атар се издига на источната падина на планината Јабланица и се допира со државната гранична линија со Албанија.

Селото е планинско и мошне високо, на надморска височина од 1.420 метри. Од самиот град Струга е оддалечено 14 километри. објавува travel_and_discover_macedonia.

Фото: kotle from Macedonia

Во регионот на Дримкол има 23 села, од кои 15 се во Струшки, а 8 во Дебарски Дримкол. Главно административно и стопанско средиште на Дримкол е Струга. Доколку сакате да го посетите селото, а притоа да ноќевате во регионот, тимот на Кајак.мк ви препорачува тоа да биде во Вевчани. 

Фото: Bogoevski — сопствено дело
Поради изобилната понуда на природните убавини во околината како и познатиот Вевчански карневал, туризмот и угостителството се многу значајна стопанска гранка во сè поголем подем и пораст во Вевчани. Во селото Вевчани работат повеќе хотели со врвни сместувачки капацитети со ресторани како: „Вила Алула“, пансион „Кутмичевица“, „Пупинова куќа“, апартмани „Во Извор“, апартмани „Шутиноски“, „Вија Егнација“ и „Домаќинска куќа“.
Фото кавер: instagram: travel_and_discover_macedonia